Ffatri Fenter: The Story So Far
Menter a Busnes - Business Development Wales
Stori Style-ID
Eleanor Gardener:
Style-ID
Clywodd Eleanor Gardner am y Ffatri Fenter gan ei ffrind a oedd yn gyn-gleient i'r Ffatri Fenter. Aeth ar y we a darllen amdanom, a sylweddoli mai dyma'r union fath o gymorth yr oedd hi'n chwilio amdano. Roedd hi eisiau dechrau menter fel 'steilydd dillad personol'.
Wedi cyfnod yn Llundain yn astudio Technoleg Dylunio Ffasiwn a Thecstilau yng Ngholeg Ffasiwn a gweithio gydag enwau mwyaf y sector, dechreuodd deimlo'n hyderus y byddai ganddi rywbeth arbennig i'w gynnig i bobl Gymru gan fod ganddi'r wybodaeth unigryw yn syth o Lundain.
"Ar y dechrau roeddwn yn teimlo'n hynod gyffrous, ond roeddwn yn gwybod fod yn rhaid imi ddilyn pethau drwyddo'n iawn. Roeddwn yn awyddus iawn i ddod yn ôl i Gymru gan fod angen y math yma o wasanaeth ar bobl Cymru. Mae gen i gymaint i gynnig."
Mae Eleanor wedi sefydlu Style-ID ers mis Mai 2006. Mae ganddi lawer o gysylltiadau o fewn y byd teledu, ac wedi llwyddo i gael gwaith fel steilydd dillad i'r cyflwynwyr ac actorion.
"Mi fuaswn i wedi dechrau busnes fy hun, p'run bynnag, ond roedd cael y Ffatri Fenter yn fy nghynorthwyo yn codi fy hyder i wrth ddatblygu'r syniad. Roedd y cydlynydd yno imi bob tro i fy helpu."
Cafodd Eleanor gymorth i ysgrifennu cynllun busnes a chymorth gyda rhagolygon ariannol. Ond y grant marchnata oedd y cymorth fwyaf iddi.
"Roedd gwybod fod cymorth ariannol i'w gael yn gymaint o ryddhad; ni fuaswn i byth wedi medru talu allan o fy mhoced fy hun. Roedd y deunyddiau marchnata yn ddrytach na'r disgwyl."
Wrth weithio gyda dylunydd graffeg leol, mae Style-ID wedi datblygu brand hynod broffesiynol a hunaniaeth unigryw. Gweithiodd gyda chleient arall y Ffatri Fenter ar y wefan, sef Owain Searell, amalgam8. Mae hi wrthi hefyd yn trefnu parti lawns yng Nghaerdydd er mwyn hyrwyddo Style-ID. Teimla braidd yn rhwystredig nad oes ganddi ddigon o amser ar ei dwylo i hyrwyddo'r ochr siopwr personol o'r busnes.
Nid ydy hi wedi bod yn broses hawdd, ond fe ddywedodd fod gweithio gyda busnesau mawr a bach yn Llundain wedi bod o help iddi baratoi'i hun ar gyfer y straen.
"Dwi dal yn poeni am bethau fel treth ac yswiriant gan nad ydw i'n dda iawn efo ffigyrau! Ffigyrau ydi'r elfen fwyaf brawychus o ddechrau busnes!"
Cyhoedda mai'r hyblygrwydd yw'r elfen fwyaf positif o weithio iddi hi ei hun. Mae hi wrth ei bodd yn gweithio ar brosiectau amrywiol.
"Mae pob dydd mor wahanol. Dwi wrth fy modd."
Galeri Lluniau
Cliciwch i'w ehangu
English