Ffatri Fenter: The Story So Far
Menter a Busnes - Business Development Wales
Stori Make it Pretty
Cath Graham:
Make it Pretty
Arferai Cath Graham weithio fel Clerc Cyfrifon gyda Chyngor Sir Benfro phan roedd ganddi'r awydd i fentro i fyd mwy creadigol. Ar ôl clywed am y Ffatri Fenter mewn cynhadledd yng Ngholeg Sir Benfro, deallodd y byddai modd iddi dreialu ei syniad heb gymryd llawer o risg.
Wrth barhau â'i chyfrifoldebau o fod yn fam sengl llawn amser i bedwar o blant ifanc, ynghyd ag ysgwyddo dyletswyddau eraill, llwyddodd i ddatblygu ei syniad busnes ac o fewn rai misoedd ganed Make it Pretty.
Ar y dechrau, cwmni dylunio a chynhyrchu papurach priodasol unigryw oedd Make it Pretty. Bellach mae'r cwmni wedi'i ddatblygu i gynnwys elfennau eraill o gynllunio priodas megis addurno'r lleoliad, gwasanaeth llogi gorchudd cadeiriau, addurno byrddau a chyd-drefniant cyffredinol priodas.
Cyn dechrau ei menter, teimlodd yn bryderus ac roedd yn poeni am yr ochr ariannol."Fy mhryder oedd bod gen i ddiffyg gwybodaeth gyffredinol am redeg busnes. Doeddwn i ddim yn awyddus i ypsetio fy nghyfrifydd! Ond roedd y gefnogaeth a gefais gan y Ffatri Fenter yn wybodus a defnyddiol iawn."
Derbyniodd gymorth i ysgrifennu cynllun busnes, grant marchnata ar gyfer talu am gardiau busnes a benthyciad di-log i gynllunio gwefan.
"Dyma ffordd wych i ddechrau a hefyd yn ddull defnyddiol iawn i wybod beth i'w wneud yn y camau ar ôl treialu'r syniad. Drwy'r Ffatri Fenter, mi gefais fwy o gymorth ariannol gan y Cyngor a aeth tuag at gynhyrchu mwy o ddeunyddiau marchnata."
Mae Make it Pretty yn ehangu i'r farchnad Ewropeaidd drwy gymorth Masnach Cymru Ryngwladol a ariannir gan y Cynulliad. "Rwy'n gynhyrfus iawn efo'r ffordd mae pethau'n mynd. Rwy'n teimlo'n eithaf hyderus ond er hyn, rwy'n dal i ddysgu pob dydd."
Galeri Lluniau
Cliciwch i'w ehangu
Cath Graham
Make it Pretty
Pembrokeshire
01834 812479 / 07837601511
www.makeitpretty.co.uk
cath@makeitpretty.co.uk
English