Ffatri Fenter: The Story So Far
Menter a Busnes - Business Development Wales
Stori Dinky Drama
Sarah Owen:
Dinky Drama
Gyda thri o blant, yr ieuengaf yn ddim ond yn fabi, sefydlodd Sarah Owen 'Dinky Drama', busnes sy'n cynnal dosbarthiadau drama, symud a cherdd i blant rhwng 2 a 5 oed.
Ar y cychwyn, doedd Sarah ddim yn ystyried fod Dinky Drama yn unrhyw beth mwy na ffordd o ennill tipyn o arian poced dra'r oedd yn magu'r plant. Ond ar ôl cysylltu â'r Ffatri Fenter a chael help i lunio cynllun busnes, buan y sylweddolodd ei fod yn syniad busnes gyda chryn botensial.
Dywedodd Sarah: "Roeddwn i wedi sylwi bod yna ddiffyg sesiynau drama greadigol yn yr ardal i blant o dan 6 oed. Gan fy mod i wedi cymhwyso fel athrawes ddrama, roedd hyn yn rhywbeth y gallwn i'w gynnig ac mi gychwynnais drefnu ychydig sesiynau'r wythnos."
Mae'r ymateb wedi bod yn wych hyd yma, ac yn barod mae gan Sarah syniadau ar gyfer datblygu'r gwasanaeth a'i ymestyn i ardaloedd eraill yn y dyfodol agos.
"Y peth gorau am redeg busnes fy hun," meddai Sarah, "yw fy mod yn medru gweithio'n rhan-amser a threfnu fy oriau o amgylch y plant a'r teulu."
Galeri Lluniau
Cliciwch i'w ehangu
English